FASSARAR WASU HADISAI DAGA CIKIN LITTAFIN MUSNAD IBN ABU SHAIBA NA (ABUBAKAR BN ABI SHAIBA) ZUWA HARSHEN HAUSA DAGA HADISI MAI LAMBA (28132) ZUWA (28233)

SALON GUDANAR DA AIKI Domin saukakawa mai karatu naga ya dace nayi bayanin salon aikina kamar haka: 1. Ina fara rubuta Hadissan da larabci kamar yadda suka zo da cikkakken Isnadi. 2. Ina fara fassara daga Sahabi ko Tabi’i ko wanda ma’anar Hadisin ta fara daga kansa. 3. Ina fassara hadisin fassara mai yanci mai ma’ana. 4. Ina fadar hukuncin hadisin, idan Sahih ne ina dogara da wanda ya yi ta’kikin littafin. kuma in yana da rauni ina fadar dalilin rauninsa. Sannan na kawo masana hadisin da suka bayyana raunin wanda da suke rawaito hadisin. 5. Ina takaita wadanda suka fitar da hadisan ga malamai gwargwadon abin da ya sauwaka. 6. Nayi ta’aliki a wani bangare na hadisan wandanda nake ganin suna da bukatan ta’aaliki. Zan kawo littafin da na dogara da su a rubuta ta’alikin. 7. Ibn Abi Shaibah yana cikin magabatan Malamai da suka rawaito hadisai, wannan yasa ba kowane hadisin da ya rawaito ba ne za a same shi a cikin littafan hadisan da suka zo a bayarsa, musamman hadisan da suka shafi maganganun Sahabbai da Tabi,ai