NAZARI A KAN KURAKURAN RUBUTUN HAUSA A JIKIN RUBUCE-RUBUCEN ABUBUWAN HAWA A BIRNIN KANO

Tsakure Wannan bincike mai takenn “Nazari a Kan Kurakuran Rubutun Hausa a Abubuwan Hawa a Cikin Birnin Kano” ya nazarci wasu kurakuran rubutu da aka same su a jikin abubuwan hawa a cikin birnin Kano. Binciken ya duba rubuce-rubucen da ke jikin abubuwan hawa ne kawai, inda aka fito da kurakuran rubutun aka kuma gyara su yadda suke a cikin tsarin nahawun Hausa. Wannan nazari ya yi amfani da Ra’in fiɗar kurakurai (Error Analysis Theory) na Corder (1974). Binciken ya gano akwai kurakurai da dama a cikin rubutun da ake yi a jikin abubuwan hawa, an gano akwai kurakuran haɗewa ko rabawa, misali (Allahyatsare) da kurakuran amfani da baqaqe masu lanqwasa, misali (Kudi) da kurakuran amfani da karan-ɗori, misali (Allah-yatsare) da kurakuran amfani da alamomin rubutu, misali (kum, bi, izinillah) da sauransu. A qarshe, mai bincike ya ba da shawarar yadda masu yin rubutu da hukumomi da masu abubuwan hawa ya kamata su yi domin inganta rubutun harshen Hausa, wanda zai yi daidai da ƙa’idoijin nahawunta.